الكرم والطيب

الكرم صفةٌ من صفات البدويّ الطيبة ، وسجيةٌ من سجاياه الكريمة التي لا زال يتمسك بها وإكرام الضيف خلق من الأخلاق الحميدة التي تَوَارَثَها العرب واشْتَهَروا بها ولازالت إلى يومنا هذا والطيب صفة محبوبة عند العرب عامة وعند البادية خاصة ويتوارثها الأبناء من الأجداد واشتهرت القبائل العربية غالبها بصفة الكرم وأغاثة الملهوف وحماية الدخيل والجار وتميزت قبيلة عنزة بأن أصبح مضرب المثل بها فعند ورود الكرم والطيب يذكر الشيخ بن مهيد مصوت بالعشاء وذلك كما سبق لحاتم الطائي أن حصل عليها وبلاشك أن أكرم الناس هو سيدنا محمد عليه أفضل الصلاة والسلام فعن أنس بن مالك رضي الله عنه قال [ كان النبي صلى الله عليه وسلم أحسن الناس وأجود الناس وأشجع الناس] رواه البخاري وقد حث ديننا على إكرام الضيف وجميع الصفات الحميدة وذم البخل وجميع الصفات السيئة والطيب لايدرك إلا بالطيبين الذين يسعون إليه جاهدين يبذلون المال من أجله والطيب في عصور مضت لهو أشد وأقوى وقعا في النفس لشح المال في ذلك الوقت ودعونا نستعرض بعض الأبيات في ذلك ومما قاله بعض الشعراء في ذلك


يقول محدى الهبداني :



الطيـب يـدرك بالـكـرم والشجـاعـه = لا شـك مـا قـدروا عـلـيـه الردييـن

الطـيـب صبـر وقـو بـاس اوقـاعـه = والغـانمـة تـعـرض بكـل الأحايـيـن

الطـيـّب بـيـر مـا أحـدٍ قـاس قـاعـه = والمرجلـه ما تنوصـل غير باثنين

سيف شطير الحـد صلـب القطاعـه = ومنسف يقلط للضيوف المجيعيـن

ومن غـر من هـذا يسوق الرتاعـه = لو هو عريب الساس ينعد مسكين


قصيدة تركي بن شامخ الجعفري


الـقـرم مـا يـدانـي الـــزوده = ولا عـقـبـوه الـهـلابـيـسـي
حــّلال عــقــد هــذا كـــوده = ويـبـري لـهـود مـرامـيسي
والطيـب شـفـه ومقصـوده = ضـاري لكسـب النـواميسي
هــداج لــو كـثـرت اوروده = يـروي كـبــودٍ مـيـابـيـسـي


قصيدة الجميشي

أفطـن لذكره مـع العـربـان = كـان أنـت بالطيـب بحـلانـي
لـه ربـعـة تـشبع الجـيعـان = ويذبح مـع الحيـل خرفـاني


قصيدة صالح بن هذلا الخمشي

وأذكر لكم يا أهل القلوب الغواطيس = الطـيـب لـولا قـوة الصبـر غـادي



فهد بن دغيم الخمشي

الشايب اللي بـه من الطيـب ثـنتيـن = للضيف ريـف ويروي المرهفـاتي

لطيف للصاحب وعـلى العـدا شيـن = ومن صادقه حاش الفخر والنجاتي

ناحي الجعفري يقول

خـطـو الـولـد لـو هـو كـثيـر مـالـه = يـروح مـالـه كـالـهـبـاء الـمـنـثـور
مـا يعـطي المحتـاج لا جـاء عـاني = ولا يـبـدي الـلي يـرتـجـون الشـور
ولانـي بـهـلـبـاج ضـعـيـف شـانـه = يـعـد فـعـول الـطـيـب وهـو مثـبـور
قـولـت هـلا للضيف عـنـدي عـاده = وعـلى قصيـري والـخـوي صـبـور

قصيدة أحد الشعراء بالفارس فرز البوهي الجعفري


مـرحـوم يا مشـّيـد الـربعـه = يضحك احجاجه اليا ضيفي
الكـرم والطيـب مـن طبـعـه = مـا عـقبـوه الـهـذالـيفـي


قصيدة الدسيم الدوامي

وزيـن النبـا مـا يدركـه كـل مثبـور = والطيـب مـع النـاس يـا بـعـد مـاده



من قصائد محمد الدسم

لا تـعـاشـر الا الطـيـب أبـن الطيّـب = والـلـي لـهـم بـالـطـايـلات وقــوف
ولا الـردي لا جيـت لـه تشتـكي لـه = مابـه عراش وهـو غني مشحوف

قصيدة السديري بالشيخ أورنس الشعلان

رقـى سـنـام المجـد والطيـب حـازه = وبـيتـه لعصمان الشوارب مداهيـل
هـزيـم حـطـوا حـفـرتـه بـالعــزازه = براس الطويله وارفع القبر بالحيـل
ومـن الذهـب حطـوا لقبـره اركـازه = ومـن صافي النيروز حطوا قناديل

قصيدة قاسم الفداغي بالرسالين

نـعـم القـبـيـلـة ثـم نـعـم الـرجـالـي = والطيـب ساسه لـه الأجـواد باديـن
أصـل رفيـع مـن العـمـام وخـوالـي = من ساس لابة بالحرايب ضريرين
كسـابـت الـطـولـة بطـيـب الفعـالي = أنا أشهـد انهـم من البدايد شريفين

قصيدة خليف الخالدي بالشيخ سوعان الهديب

ملفـاك وجـه الـنـدا نعـميـن = سوعـان نسـل الأجـاويـدي
بيتـه اكسوره تقـل ضلعيـن = بيتـه مخومس تقـل حيـدي
كـل يـوم لضيفه يزود بزين = تـجـدد بالطـيـب تـجـديـدي
نقيـم مـا هـقـوتـك عجـليـن = مـامـن اشكـوك ومناقـيـدي


قصيدة فهد المارك الشمري بالشيخ خليل المهيد:

أخوان قطنه ما بهم عيب وقصـور = تـشهـد لـهـم بالطـيـب كـل القبـايـل
وأخص أنا من كان بالطيب مخبور = ما هـو خفي يا أهل القلوب الهبايل



وهذه قصيدة لأحد الشعراء بالشيخ محمد الفرحان المطلق الأيداء

مـرحـوم يـا شيـخ فـعـالـه مجـيـده = فـرحان الأيداء من مشاهير عـنـاز
شيخ ضهـر شوفـات طلعـه بعـيـده = شبحـه بعـيـد ودوم بالطيـب يمتـاز
شيخ شهـر عـلـمـه وزايـد حميـده =عقلـه ثقيـل بكامل الوزن ما أيـراز


من شعر دخيل الله بعيسى بن جهاد الحريري

يا شيخ أنتـم منقع الفخـر والطيـب = وأنـتـم هـل الزينات وأهل الكرامـه
كـم واحـدٍ يلجـالـكـم بالمصـاعـيـب = وتـزول مـن عـقـب المشقـه آلامـه


وهذه قصيدة سعد مقبل عيسى الحريري

لا شـك مـن يفخـر بجـده وماضيـه = مـن واجبـه بالطـيـب يرفع عـلمهـا
يـا عـاد مالـك بـيـنـاً تسـتـتـر فـيـه = مـا ينـفعـك جـود الجـدود وكـرمهـا


قصيدة حمير البلعاسي


وش عـذرنـا لـلـمـزايـيـنـي = كـان عـلى الجيش ما جينـا
لعـيـون مـن تـدعج العـيني = عـلى الـركـايـب تـوصـيـنـا
أنـتـم عـلى الطيـب مقـفيني = وحـنـا عـلـى قـد عـانـيـنــا


قصيدة يوسف بن مجيد


أولاد عبدالـلـه هـل الفعـل والطيـب = مهارهـم طوعـات وأرقابهن عـوج


وهذه القصيدة لأحد الشعراء بالشيخ هزاع الحمادي

يا شيخ يالـلي تفعـل الطيـب يمنـاك = هــداج تـيـمـاء كـل حـي دري بــه
تمشي عـلى درب المكارم مطايـاك = شجـرة وفاء وظلال من يلتجي بـه
نـعـمـيـن يـا هـزاع لا حـل طـريـاك = تـرفـع لك البيضاء براس الجذيبـه
يالوايلي لـو طّول الوقت ما انساك = مـواقـفـك مـا هـي عـلـيـه غـريـبـه


وقال الشاعر قطيفان بالشيخ محروت الهذال

والطيـب مـا يضهـر بـلـيـا خـسـاره = وبـل الثـمـيـلـة مـا يـلاديـه الـنهـر
والـحـكي مـا يـنـفـع بـغـيـر الـلازم = ولا تـنـفـع الحيلـة إلـى قـل الضفـر
ذكـره وصـل نجـدٍ واقصى الـوادي = ويدرون فيه اللي ورا سود الحجر


وهذه القصيدة لمضياني وقيل رويلي


الـطـيـب يـالـلـي تـدورونـه = أنــا لــقـــيـــتــه لـــــدواره

قـضي المـواجيـب بحـتـونه = بالضيف والـثـانـيـه جـاره

قــحـّام شـي يــهــابــونـــــه = هذاك اللي شاعت أخـباره

وطـيب المدى وبعـد مكنونه = وإلى حكـا يـقـشع الشـاره]

الـطــيـب غــالـي بـمثمـونـه = ولا يخسر الطـيـب تجـاره

الـطـيـب بـيـن تـشــوفــونه = رجـمٍ زمـا بـراس لـه قـاره

يا عـيـال يا الـلي تـنـطـونـه = مـن يـرقـبـه عـارفٍ كـاره


قصيدة غانم اللميع

]والطيـب مـا يضيع بيـن الـرجـالـي = يضيع ما بيـن الثعـالب والأبسـاس

قصيدة صياح المرتعد

الطـيـب بـحـجـاج المشبـب وهـايـب = والحـر حـر ويـجـذبـنـه مجـاذيـب